眾所9知，強國官員出咗名就係關心民間疾苦㗎喇，就噚日咋嘛，佢哋又出動，去慰問江西一班清潔工喇！

不過唔知點解，好多強國網民都喺度鬧班官員，話佢哋要班清潔工企喺度暴曬，自己就舒舒服服咁坐喺陰涼位度抖涼喎～喂大佬呀，噚日強國成40度高溫，呢班強國官員都願意紆尊降貴去慰問班清潔工，但係你哋唔體諒都不特止仲要鬧人，真係一啲都唔和平理性囉！包容下得唔得呀？

其實呢班官員肯親身去到現場都算係咁啦，之前人哋PS張圖就當到此一遊㗎喇！

諗諗下，香港都曾經有人講過話願意拎住一張櫈、一本簿、一支筆去聽市民嘅意見，但係到而家都冇發生過啦！所以呢班強國官員真係唔話得㗎喇，55！

圖片來源、資料來源：新浪江西／微博