用心侍奉聖上，係奴才一生嘅責任同樂趣！雖然聖上唔似汪星人咁要成日出去散步，但唔好以為奴才咁就會舒服好多呀，都一樣要餵罐罐、同幫聖上掃乾淨佢哋甩嘅毛毛！

反正都係要掃貓毛，呢個日本貓奴就用聖上甩嘅毛嚟整咗頂帽，進貢畀佢哋喇～呢種敬業樂業嘅精神真係好值得學習呀！

睇嚟三位聖上都對呢個新造型幾滿意啵，無論批閱奏摺、巡視江山定圍埋開會，都戴到頂帽實一實。

有人話三位聖上一齊戴住呢頂尖尖帽，好似參加緊神秘邪教聚會喎。不過計毛毛，唔通呢頂其實係可以傳訊息返喵星嘅發射塔又要話你知咩。

汪星人都試過畀人用剪出嚟嘅毛毛set咗個潮頭呀，不過睇佢個無辜樣，似乎就唔多高興喇。可能佢仲未好似喵星人咁發現到發射塔嘅功用啦！所以話，成功統領地球嘅，應該會係喵星人…… 

封面圖片、資料來源： rojiman／instagram

想轉髮型一定要參考：

【最潮柴狗】修毛已經慘，仲要畀主人整蠱…

【尖尖尖～】仲以為呢位先生gel到個頭咁高…