由細到大，我哋都聽過唔少老母講嘅善意大話，「食蔥聰明呀」、「食多啲魚做人冇咁瘀呀」……嗯嗯，所以毛毛到大個仔都好聽媽媽話，佢煮乜就食乜㗎。

嘩，阿媽，毛毛係就係未畀家用，都唔使整碟食淨嘅煎魚碎畀我啩…？下…咩話…呢碟係你啱啱喺廚房熱到身水身汗先煎起嘅煎魚？明明成碟都係…算啦其實毛毛都分唔到係骨定係肉嚟。

\

之前有另一個老母都嘗試挑戰煎魚不幸失敗。但係都唔使灰心嘅，呢碟老母份子料理會永遠烙印喺13億孝子嘅心入面。

不過都係嗰句啦，明知自己煎得唔叻都仲要煎，都係為阿囝阿囡收工有啖住家飯食啫。以上嘅老母暗黑料理，留低嘅，都係一份心意吖。

封面圖片、資料來源：PTT