聽人講，拍拖呢家嘢，有又煩冇又煩，不過毛毛呢啲單身狗唔明㗎喇，唯有默默咁繼續食我嘅雪糕啦……望住手上呢杯雪糕，毛毛領悟到，其實雪糕都一樣，多又煩少又煩㗎。

姣婆遇著脂粉客就話爽歪歪啫，單身狗遇著第二杯半價嘅雪糕，真係唔知買一杯定兩杯好呀！75折喎！唔買咪好笨？不過得自己一個，唯有咁樣樣食啦。

一個人食兩杯又係煩，兩個人食一杯都係煩。就好似分蛋糕咁呀，連有個小朋友食多粒士多啤梨㗎，都唔知點分先最公平，分雪糕都係啫，就算一人一啖都實有人大啖啲有人細啖啲！

仲有呀，食食下杯雪糕溶溶地仲要撈埋大家啲口水，容乜易愈食愈大杯㗎……學日本呢個嫲嫲咁，一嘢連埋個包裝切開佢咪唔使煩囉！連個杯都分一半，夠晒公平呀！阿嫲你好嘢！不過如果下次多幾個人分又點算先？都係用嚟揸汁最公平！

封面圖片、資料來源： rb_spada／twitter