2016年08月16日 星期二
【人類總是】又有人將狗狗染到比卡超咁喇！
有冇小精靈訓練員仲堅持緊日夜鍛練去取勝呀？講真呀，可能毛毛三分鐘熱度啦，我都已經開始少咗捉精靈喇……不過最近就有瘋狂fan屎將隻狗狗染到比卡超咁樣樣喇！
隻唐狗仔畀人染到全身黃黚黚，塊面珠紅卜卜，以cos比卡超嘅角度嚟睇係好成功好似樣嘅，不過喺愛錫狗狗嗰方面嚟睇就負晒分囉！你睇唔睇到佢個眼神係幾咁無奈呀？老老竇竇，你冇放棄過成為小智嘅理想啫，又有冇問過狗狗想唔想做比卡超先？
唉，人類總是……之前外國已經有人將狗狗染到比卡超咁以為好打耳好好玩㗎喇，點知而家又再發生同類事件，又有一隻無辜嘅狗狗受害！幫狗狗幫身之前，停一停，諗一諗，狗狗係一條生命，都想做返自己，唔係畀你當玩具舞嚟舞去㗎。
封面圖片、資料來源：Wing Lei／”人人浪浪"澳門義工組
延伸閱讀：
