2016年08月16日 星期二
【貓之報恩報呢啲】主子你邊度搵咁多海綿返嚟呀？
貓之報恩毛毛聽得多，多數都係啲流浪貓仔為咗獎賞人類餵嘢畀佢哋食，就會去捉啲老鼠呀、昆蟲呀咁，去送畀奴才嘅。
唔好睇小呢啲嘢呀，喺貓貓嘅心目中，呢啲全部都係好珍貴嘅嘢嚟㗎！之但係呢隻貓居然係送海綿畀奴才，毛毛就真係睇唔透喇。唔通佢好鍾意海綿寶寶？
呢個外國網民最近就開post，話佢主子每次出完門散步之後，都會帶一大嚿海綿返屋企，個樣仲要勁囂張，唔知佢喺度得戚啲咩喎！
主子嘅內心世界係咁易畀你班人類估到嘅咩！唔通佢暗示緊佢奴才唔做家務唔洗碗，又要話你哋知咩！不過迫到連主子都要出手，睇嚟呢個奴才嘅屋企真係污糟到一個點……如果毛毛係你呢，都係嗱嗱聲去幫主子剷sss，氹返掂佢先喇，55！
圖片來源、資料來源：Funkmonk_360／reddit
