其實毛毛單身咗咁多年，都唔係好介意啲情侶放閃㗎喇，咪當鬼遮眼，時運高咩都睇唔到囉……之但係連昆蟲都要放閃係咩玩法？是咪想迫死毛毛同一眾單身狗？最近就有網民開post，話本身好開心咁一支公返屋企諗住食宵夜，點知一去到門口就畀佢哋閃死咗！

冇錯，佢哋就係兩條四腳蛇呀！咩事先而家，兩個好似蜘蛛俠錫Mary Jane咁一上一下，拍戲咩！連四腳蛇都有愛人了，毛毛做咗廿幾年人都仲係單身，公平咩？

老老竇竇，你兩個閃還閃，匿埋一邊閃吖嘛，喺正門口咁樣樣搞法，你叫個網民同毛毛情何以堪呀？好似之前有日本網民又影到，佢屋企養嘅兩條白色魚仔都喺度咀咀放閃，喂驚唔驚抖唔到氣呀你兩個？

呢個世界已經冇嘢阻止到連動物都要放閃喇，冇咩事毛毛出去插盲自己對眼先，係咁。

圖片來源、資料來源：dcard

回帶：【個心離一離】你哋放閃就算啦 仲要扮埋柯南個黑衣人？