而家Pokemon Go咁hit，真係男女老幼都加入晒小精靈訓練員行列呀！不過聽講，99％妹豬除咗老是常出現嘅比卡超、傻鴨、喵喵怪嗰幾隻之外，其他小精靈都唔識㗎，仲會叫伊貝做狐狸仔，叫鯉魚王做反肚金魚……

不過台灣就出現咗個神一般嘅女友兼手作達人！因為佢竟然會整小精靈圖鑑畀男友呀！話說呢個妹豬同佢男友本身係long D嘅，佢男友終於返台灣同佢見面喇，所以佢就特登整咗個小精靈圖鑑送畀佢當係小禮物！

唔好睇呢個小精靈圖鑑係用卡紙做，就以為只係普通嘢呀！打開右邊其實係個小袋仔，收埋咗幾張小精靈卡可以抽出嚟嘅～

玩得咁精緻，真係好想睇佢畫晒幾百隻小精靈呀……

可以抽出嚟慢慢欣賞都不特止，可以攝埋入圖鑑個mon先好嘢呀！佢整咗塊透明膠片，等男友扮小智嘅時候可以換嚟換去慢慢玩～小精靈就話換嚟換去，一時呢隻一時嗰隻先刺激呀，如果搵到個咁好嘅女朋友，就死都唔好換呀！

封面圖片、資料來源： dcard

＜訓練員恩物系列＞

【很想要】用精靈球裝住嘅小精靈戒指 靚到連男人都想戴

【訓練員恩物】咁樣咪唔怕精靈球掟歪咗囉！

老竇將我啲BB彈畫晒做精靈球…