2016年08月18日 星期四
【頭已側】點解呢隻比卡超好似怪怪哋咁嘅？
雖然最近Pokemon Go嘅熱潮好似慢慢減退緊，但毛毛相信喺每一個小精靈訓練員嘅心目中，比卡超係永遠都唔會out㗎！就好似呢個台灣網民咁，行行下街見到有部夾公仔機有得夾比卡超，都即刻狗衝去玩呀！
係就係比卡超喇！之不過，靠住玻璃嗰隻個樣，點解好似怪怪哋咁嘅……？
唉都叫咗你唔好瞓成咁㗎喇，你睇下你而家，瞓捩頸喇！不過樂觀啲諗，佢都係個頭擰轉咗啫，個樣都仲叫做認得出係比卡超呀！慘得過呢個網民嗰隻？
Between，其實大木博士都冇講話比卡超個頭唔可以咁樣180度轉啦，唔通呢隻係傳說中嘅驅魔人隱藏版比卡超，又要話你知咩！
圖片來源、資料來源：dcard
