唔好以為扮靚係女人嘅專利呀，而家國家要開放，思想要開放，男人都要好好咁裝扮下自己，個package先會好睇！嗱好似呢個台灣男人咁就啱喇，得閒就洗下臉，毒L都變鄭伊健呀！

之不過好衰唔衰，佢洗完臉嗰下竟然畀自己個手機套個吸盤吸住咗個頭，仲要除極都除唔到?呀……唔通佢個頭就係傳說中嘅吸手頭？

聽人講所謂high fashion呢，就係做咗啲其他人睇唔明嘅嘢！所以呢位巴打唔使灰喎，其實以睇唔明嚟講呢，你咁樣都幾潮幾high㗎！個手機套當裝飾又得，用埋嚟裝嘢又得，再唔係整多個喺第二邊扮孖辮妹又得，得咗！你睇下佢哋，都係用水果罩當手環同腳環咋嘛，幾咁有型呀！

襯埋一套，7到盡頭便是型嗰個仲唔係你？

圖片來源、資料來源：Tubabass Hsu