畫畫嚟講，毛毛都算幾有天份嘅～因為以前上堂畫杜甫畫得多吖嘛，咪日子有功囉！不過講到畫得靚喇喎，就點都唔及呢位網民……事關佢用幾支cheap雞卡通十色筆就可以畫到個一模一樣嘅傅園慧出嚟呀！睇下佢畫得幾神似～

呢位網民唔止畫人畫得似，連畫動物都一樣畫得咁似㗎，唔信睇下呢隻馬騮畫得幾逼真～真係見到都想伸隻手出嚟摸下佢個馬騮頭呀！

而呢位咁出色嘅網民咪就係呢位靚仔囉～專心做嘢嘅男人係咪好吸引呢？

其實呀，用過呢啲十色原子筆嘅都知呢啲筆有幾廢啦，有時用幾用就冇墨，有時又可能會出油喎……雖然係咁，但呢位靚仔竟然連用呢啲虧筆都可以畫得咁靚，話佢係神之手都真係當之無愧！

圖片及資料來源：AisinGioroZD／微博

延伸閱讀：【靚到呢】原來係用原子筆畫出嚟㗎！