由細到大，阿媽都教我哋慳得就慳嘅大道理，好似沖涼液、洗頭水咁呀，用到最後撳極都冇都唔好就咁扔咗去呀，用水沖一沖已經可以用啲泡泡水沖多次涼！牙膏都一樣啫，最後出盡奶力咁唧，慳慳地都捱到三五日㗎！

嘩阿媽，做咩唧成半支牙膏出嚟呀？電視都有教啦，咪做大嘥鬼呀！大家冷靜啲先，原來佢咁做，都係想教囡囡做人咋。話說佢有日叫11歲嘅囡囡將牙膏放返入去，囡囡諗嘅同大家一樣，覺得冇可能啦。

媽媽就係想借呢件事，話畀囡囡知，升上中學大個女喇，要小心注意自己嘅言行舉止，一旦講錯嘢，hurt到人個心，就好似呢撻唧咗嘅牙膏咁，收唔返㗎喇。唔知話體育冇貢獻嗰位仁兄細個又有冇人咁教過佢呢？

呢個感人至深嘅教女小故事，短短一個星期已經呃到65萬like同71萬share，認真誇張！Btw，如果古代姜太公都有facebook，唔知佢「覆水難收」嘅故仔又可以呃到幾多like＆share呢？

封面圖片、資料來源連結：Amy Beth Gardner