你餓唔餓呀，我煮個麵你食吖？相信香港人對呢句對白一啲都唔陌生，因為就算你喺屋企冇聽過呢句，你睇大台嗰陣都會聽過7749次呀嘛。通常嚟講，屋企人煮個麵畀你食都係求9其煮，有條腸有隻蛋已經好好，但呢位台灣網民嘅親戚煮畀佢嗰碗麵竟然又有蝦又有蟹咁？！

好好味呀.jpg！毛毛一睇到呢碗麵就已經流晒口水喇……話說呢位網民之所以有碗咁豪華嘅麵食，全因係佢呢位親戚住喺澎湖呢個食海鮮嘅靚地方，所以咪連食碗麵都豐富過人囉。

而有其他網民都表示，屋企人煮畀自己食嘅麵真係特別足料㗎～

老實講，連煮個麵都落到咁足料，呢咪係屋企人對你嘅愛囉！食完碗咁靚料嘅麵就唔好成日嫌屋企人長氣，唔好成日「得啦！得啦！」咁應屋企人啦……知冇？

圖片及資料來源：dcard