零食嚟講呢，熊仔軟糖真係冇得輸！細細粒容易食，又好咬口喎，所以毛毛枱頭包熊仔糖咪成日都不知不覺咁消失晒囉！為咗可以守護更多嘅熊仔糖，唔使畀啲同事偷食晒，毛毛決定要學下呢個外國youtuber咁，拎啲糖嚟做斧頭柄！問你哋怕未！

要成為斧頭幫，首先就梗係要有一把斧頭先啦。之後就要用啲膠紙包晒成碌柄，再套個盒落去，開始倒樹脂！

啲樹脂倒滿咗成個盒之後，就可以慢慢拎返個柄出嚟，中間個空位就可以塞滿晒毛毛最鍾意嘅熊仔軟糖喇！塞滿晒之後用返啲樹脂嚟封口，等佢凝固咗再拎去打磨、油光油：

跟住落嚟就係見證奇跡嘅時刻喇！你睇下啲熊仔糖，閃閃發光幾靚！真係隔住個mon都想舐呀……

不過對於毛毛呢啲懶到盡頭便是醒嘅人，呢款熊仔柄太嘥時間喇！計毛毛話，直接成支柄塞落巨型熊仔糖度咪得囉：

既方便又快捷，仲夠晒手感?呀！不過如果夏天搞到一手都係就唔關毛毛事呀下……

有片有真相：

圖片來源、資料來源：Peter Brown／youtube