夏天，為大地帶嚟……雨水呀今次真係！今個星期初有成3個颱風向日本方向迫近，搞到日本大風大雨，周圍都水浸呀

西武線。 pic.twitter.com/BB9vQOsAxI

— 中トロ議長 (@ratenkeidesu) August 22, 2016

啲火車軌全部都畀水浸晒，火車嚟到嘅時候，濺起晒啲水，簡直好似玩緊激流咁刺激呀。

唔止落大雨呀，仲好大風?！有個日本網民就發現，打大風嘅時候，吹到佢隻狗仔間小木屋除咗個底之外，成間都吹走咗！不過唔使擔心，狗狗仲一副淡淡定定有錢淨嘅樣坐咗喺度。毛毛用念力同呢位狗界淡定哥傾過，佢表示「事實上呢場係一場大颱風，但本汪唔會怕」。講得好，毛毛欣賞你嘅勇氣！

雖然呢隻狗狗係好冷靜好叻仔，不過打風連間木屋仔都吹得郁呀，更何況係狗狗！咁危險，主人最好都係帶返佢哋入屋攬實佢哋啦！

封面圖片、資料來源：nishitama2014／twitter、ratenkeidesu／twitter、FLovebaseball／twitter