紋身有好多種，有人會紋左青龍右滑鼠，有人會紋女朋友個名（仲要係識咗唔夠一個星期嗰隻）。而最近，有位來自成都嘅老竇竟然係想紋條疤痕落去？！用紋身嚟遮疤痕毛毛就見得多啫，叫紋身師傅紋返條疤痕畀自己都係第一次見咋喎……

是咁的，話說呢位老竇嘅兩歲囝囝就因為做完心臟手術，所以心口度就留低咗條長長嘅疤痕，而呢位老竇因為驚囝囝大個之後會自卑，所以就特登走去紋條一模一樣嘅疤痕喺心口喇！嗚嗚，係愛呀哈利！

計毛毛話，其實有疤又有咩好怕喎？可以有個咁愛護自己嘅老竇，其他人葡萄你都嚟唔切啦～與其為咗一條疤痕而自卑，不如試下因為有呢個咁好嘅老竇而自豪好過啦～

資料來源：成都紋身赤赤米Tattoo／微博