毛毛相信，喺好多90後嘅心目中，小櫻曾經都係佢哋嘅童年女神！唔通毛毛到而家都仲好迷戀佢又話你知咩……

好喇，小櫻就肯肯定得唔到㗎喇，惟有睇下啲周邊嘢，頂住癮先囉！其實毛毛由以前開始就已經覺得佢嗰兩支魔法棒好靚，好想拎住行出街㗎喇！一直以為得個諗字啦，點知最近真係有人推出咗呢款魔法棒卡套，終於一秒變身小櫻不是夢喇！

除咗星之杖之外，連最經典嘅封印之杖都有㗎！

係，毛毛都知係大嚿咗啲，不過唔緊要啦，靚咪得囉！你幻想下搭港鐵臨入閘嗰陣拎個卡套出嚟狠狠咁拍落部機度，再大嗌一句：「八達通卡，我命令你立即解除封印！」，成個畫面係幾咁有霸氣呀！毛毛仲敢寫包單，你咁做完一定冇人同你爭位坐啫！係魔法嘅力量呀，哈利！

圖片來源、資料來源：Manolo丹丹芬／微博、淘寶

＜小櫻回帶系列＞：【蘊藏住黑暗力量嘅鎖匙】日本扭波高手連小櫻魔法棒都扭到！、【解除封印】小櫻出漫畫新作慶祝20週年