影快相，有好多方法。最經典嘅莫過於係星爺嘅燒住雞翼影快相喇！

你以為佢影緊你？其實佢燒緊嘢食；你以為佢食緊嘢咩，其實佢已經偷偷影咗你相！真係好難捉摸呀！估唔到我哋嘅慈母都學咗星爺呢個實則虛之，虛則實之嘅玩法喎！

最近就有大埔街坊就喺大尾督附近影到呢嚿大型黑色垃圾，啊sor99y，係超速相機先啱。特登放喺個垃圾筒隔籬，再拎啲黑色膠袋笠住佢，真係眼力差啲都以為係垃圾呀！Any肥，其實只要你唔超速，又使咩驚啲慈母點樣收埋部相機喎！

之不過如果呢招係用喺強國嘅話，睇嚟都要認輸喇。事關強國人為咗唔想畀人影快相，連玩命都做得出㗎！

用生命擋車牌，你見過未？講開又講，其實生活喺強國，每一日都係搵命博㗎啦……

圖片來源、資料來源：Ken Chan／Tai Po 大埔