宮澤賢治呢個名，你可能冇聽過；但《銀河鐵道之夜》呢套動畫，你有睇過喇啩？嗱唔好搞錯，唔係《銀河鐵道999》嗰套呀！介紹返，呢套《銀河鐵道之夜》係由童話改編而成，故事內容大概係話兩個好朋友坐上咗架開往銀河嘅奇幻列車，而呢個童話嘅作者，正正就係宮澤賢治喇！

其實日本政府不嬲都喺宮澤賢治嘅故鄉－岩手縣度起咗條童話村嚟紀念呢位作家㗎喇！咁啱今年係佢誕生嘅120周年，於是條童話村度又推出咗個期間限定嘅彩燈節喇！

呢啲彩燈其實都係為咗還原返《銀河鐵道之夜》入面嘅情景，閃令令咁真係好夢幻㗎！嗱你睇下呢條河，加咗啲燈之後仲唔變成堅﹒銀河呀！

好多攝影師都專程去到影相呃like，啲相靚到毛毛隔住個mon都忍唔住要嘩嘩聲呀！

岩手県にある宮沢賢治童話村にて　宮沢賢治生誕120周年を記念したイベントが始まりました。10月までです。https://t.co/nHVogSiSAO#宮沢賢治童話村 #花巻　#ミラーボーラー　#ねのうわさ　#どんぐりと山猫 pic.twitter.com/bdsRoPyJ45

— ねのうわさ (@nenouwasa) 2016年5月1日

聽講呢個彩燈節去到10月尾就會完㗎喇，唉毛毛都好想飛去睇呀！之不過哪有假，你老_！都係留返喺香港睇幻彩揈啷啷算啦，唉……

圖片來源、資料來源：KAGAYA_11949／twitter、nenouwasa／twitter