有台灣網民開心些牙，話自己行行下百貨公司嗰陣，驚見喺露營用品區嘅其中一個帳篷入面，竟然有人喺度瞓覺喎！識歎到咁，睇過～

嘩，阿生睇嚟你瞓得好舒服咁喎，人哋行到咁近影你都唔起身嘅！不過咁又係，個帳篷咁大夠晒空間，黑蚊蚊又有安全感喎！最重要係咩呀？係百貨公司有冷氣吖嘛！家的感覺咪就係呢種囉！

瞓醒口乾咁點算？呢位阿生就拎埋幾支汽水入去，咁咪唔使驚囉！

話時話，冇枕頭同被點瞓得好㗎？阿生你不如索性去埋床上用品部度拎啦，有食唔食罪大惡極呀！Between，其實有人瞓帳篷，又算得係咩喎？你有冇見過大蛇屙尿吖？

喺呢度，你想坐梳化坐成日又得，跳埋上床……玩又得！得咗！毛毛仲見過有人喺度補習呀、傾保險?喎！善用空間嘅嘢，你哋真係識條鐵咩！

圖片來源、資料來源：Rock Chen‎