少年，你以為8月31號要左右手一齊出動喪抄暑期作孽好慘咩？其實開咗學幾廿科嘅測驗堆埋一齊嚟仲慘呀！老師話「都係每星期測一次睇下你哋吸收到幾多啫，溫嗰幾頁書使咪咁嘈呀？」，但係每科測少少，加埋都唔嘢少喎……

有個學生哥就疑似壓力太大，喺聖經科測驗卷上面瘋狂發洩喇！明明條填充題就問佢聖經入面話要追求啲咩，佢就話「追求更好的分數」；仲FF耶穌叫人「晚點起床，在世上，我們要7:55起床，但是沒有精神上課，我已經勝過了世界」…… 媽呀，佢已經壓力大到黐咗線喇！7點55分先起身咪遲晒大到囉！5點55分就差唔多喇啩？

其實而家啲學生哥由小學開始已經日日十幾廿樣功課，壓力唔大就假啦，讀到上中學都唔知點算！今日就係一年一度嘅災難片《開學》上畫嘅大日子，咁多位畀心機啦！仲有11個月就放暑假㗎喇Yeah！

封面圖片、資料來源連結：名校 Secrets

延伸閱讀：【放學零功課？】家長狂post手冊相 最多有24樣功課！