「同學各位，找個位，這是你的開學禮…」，9月1號聽呢首歌真係寧舍應景！雖然毛毛已經冇書讀，但係聽親呢首歌都覺得青春返晒嚟呀～仲記得細個開學嗰陣，都係全校一齊坐喺禮堂聽校長9嗡㗎咋，估唔到而家學校嘅典禮進化到咁新潮喇喎！

好似台灣呢間幼稚園咁，諗住幫班學生搞個畢業禮啦，點知就整到好似去咗靈堂咁樣樣……冇事嘅，可能係提早同班小朋友慶祝萬聖節，大家一齊玩下鬼屋咁啫！幾特別呀！不過講到新潮，又點可以唔提我哋偉大嘅祖國呢！今日就有幾張強國小學嘅開學禮相喺網上瘋傳喇！

你以為咁樣就係強國小學生嘅開學禮日常？少年你太年輕了，人哋其實連血砂掌都玩埋呀！

嘩，搞咩成牆都係血掌印呀！老老竇竇，印掌印上牆毛毛都見得多，不過見親嘅通常都係用七彩顏料，好少會全部用晒呢隻血紅色嚟印嘅，強國果然係走在潮流尖端呀下！有好多網民見到都話覺得好恐怖，但毛毛就唔覺囉～紅色有意頭呢啲嘢，識條鐵咩你哋！

圖片來源、資料來源：中新網