雨水，為大地帶來夏天。早排成日落雨，搞到周圍都濕淰淰，有唔少網友都影到屋企附近生菇呀！

之但係唔好見人哋生得靚靚仔仔咁，就諗住㗳人呀！路邊的野菇不要採，愈生得靚嘅菇，毒性就愈強（利申生物拎F），想食蘑菇嘅話就食呢啲啦！

最近日本就推出咗呢個以森林為主題嘅甜品系列，入面有好多款唔同嘅蘑菇cupcakes，還原度高達99％呀！

マジか……((((；ﾟДﾟ))))

本日より9/19(月・祝)まで、クリエイターマーケット「キノコの森のかくれんぼ」開催に合わせたコラボスイーツをハンズ池袋店1Ｆにて販売中?→ https://t.co/QiTyUCEzDA pic.twitter.com/c7fKxHj5ZR

— 東急ハンズ池袋店 (@Hands_Ikebukuro) 2016年9月1日

之不過像真到咁，又真係唔係幾開胃囉……尤其是有密集恐懼嘅人，望住啲紅色粒粒，點食落肚呀大佬……

一諗起啲粒粒會喺個口入面啪啪啪咁爛晒，真係唔使講粗口都已經打晒冷震呀！毛毛什麼鬼都怕，都係食返呢啲cute cute造型嘅蛋糕算喇！

不過聽講呢個甜品系列唔單止係期間限定，仲要係店舖限定，得池袋嗰間舖先有得買。唉這些機會……毛毛都係繼續係雙子塔OT O到生菇，自給自足算喇。

圖片來源、資料來源：tokyu-hands、Hands_Ikebukuro／twitter