最近天氣都叫做終於涼返少少，有啲啲咁多多嘅秋天氣息喇！不過唔知點解，硬係出街嗰陣就會落雨，唔通真係連個天都唔鍾意我？有台灣網友都同毛毛一樣命運，出街先嚟落大雨，仲搞到對鞋咁樣樣?呀！

是咁的，話說呢位網友一路淋雨一路行街嗰陣，突然聽到自己下面有啲「撲滋撲滋」嘅聲，低頭一望，就驚見自己對鞋嘔晒白泡呀！喂阿生係咪你對鞋太臭呀……

原來係佢之前唔小心滴咗滴洗衣液落對鞋度，之後又冇抹走佢喎，結果一落雨咪出事囉！喂其實咁樣都幾有型吖，可以自製泡泡特效，成個海龍王咁，幾有霸氣呀！有份演出《人魚樂無窮》嘅咁多位毛毛都可以try try喎！而且仲可以一邊行街一邊洗鞋，既方便又快捷呀！Between，唔想對鞋搞成咁，其實好簡單，學呢個人咪得囉！

套套當鞋套都得，得咗！反正啲套買嚟都冇得用㗎啦，係咪……

圖片來源、資料來源：Ohya1／PTT