2016年09月02日 星期五
【閃光彈出沒】用Pokemon Go求婚先係訓練員的浪漫！
召集所有依然努力不懈收服寵物小精靈嘅面孔！Pokemon Go有得幫啲小精靈改名就係人都知，不過要小心唔好亂咁改呀，唔係分分鐘累死自己㗎！
好似呢個網民咁，又放護主犬去咬腦細，又放紅唇娃詛咒腦細，改名就改得爽喇，點知轉身射個三分波，唔小心send錯去公司group，真係傻到跪喺腦細面前認幾多次自己係「傻系精靈」都救唔返喇。
不過識得改名，都一樣可以好好用嘅。小精靈係陪住我哋成長嘅好同伴，Pokemon Go都可以係見証我哋人生唔同階段嘅遊戲！台灣有個女仔就話佢男朋友最近日日都會去散步，噚日仲特登問佢拎埋部手機出去話要幫佢捉小精靈，點知男友返到嚟之後，佢打開手機一睇！呀！係「我們結婚吧，嫁給我」八隻大字呀！！！嗚呀毛毛就嚟閃到盲喇，btw，「我們」係蚊香蛙同多多利，係咪暗示女友好似有三個頭咁嘈先？
作為一個專業嘅訓練員，都用得Pokemon Go求婚囉，結婚戒指又點可以唔用埋精靈球裝住呀？唉，點解人玩game毛毛玩game，人哋玩得咁有成就嘅……
封面圖片、資料來源連結：PTT、黃囍漁／●【爆系公社寶可夢討論區】●、株式会社ケイ・ウノ
延伸閱讀：
