世人已經阻止唔到日本仔嘅創意力量同幻想喇！連有深海水曱甴之稱嘅「大王具足蟲」最近都畀佢哋拎嚟整茶包，喂使唔使玩到咁重口味呀？

呢個新出嘅水曱甴造型茶包目測都幾像真㗎，嗰條長長嘅觸鬚，仲有嗰幾隻腳，還原度高達99％呀！試幻想下佢喺你身上爬過……嗚哇，真係唔使講粗口都打晒冷震，毛毛不行了呀！

既然係水曱甴，就梗係要放佢落水度試試㗎啦！你睇下佢啲腳仔喺水度漂下漂下，幾有異形嘅感覺呀！買個茶包都有荷里活電影級嘅享受，去邊度搵吖真係！雖然話飲落去會有芳香嘅茶味，但老老竇竇，見到呢個樣，邊個仲夠膽飲呀……

其實日本仔對深海水曱甴情有獨鍾都已經係常識嚟㗎喇，之前佢哋都推出過一款水曱甴泡茶器，聽講啲㗎妹仲話覺得佢卡娃依，結果好快賣晒?喎！

一昨日深海水族館でげっとした、ダイオウグソクムシ茶こし。
おお、気持ち悪い。
湯のみ変えたらちょっと可愛くなった。 pic.twitter.com/Dax8BBtIAf

— うめちょろ (@yano82757523) 2016年5月3日

嗯，口味呢家嘢……一定係毛毛唔夠創意、唔識貨，所以先至睇唔透啫，55。

圖片來源、資料來源：ocean-teabag、yano82757523／twitter