《賣火柴的小女孩》呢個童話，毛毛細細個就聽過啦！以前唔識諗，淨係覺得個細路女好慘好可憐，估唔到喺現實世界中，真係有人會學個小女孩咁，喺街頭賣火柴做生意㗎喎！唔通真係商機無限到咁？

原宿なう昔けいごとこんな感じのやつ見に行ったな(p_-)笑
マッチ売りの少女がいる！笑 pic.twitter.com/uu5KZYeChT

— naoking (@70721212na) 2016年8月28日

是咁的，話說前幾日有個日本網友行過原宿街頭，驚見前面有個女仔喺度擺地攤，但佢賣嘅笨唔係咩手工製品，而係一大堆嘅火柴呀！咦喂，乜冬天咁快嚟到喇咩？

原宿でマッチを売っています。さっきなぜか一本売れました。なぜだ…。 pic.twitter.com/KD2EXV5Not

— 朝井麻由美@『「ぼっち」の歩き方』 (@moyomoyomoyo) 2016年8月28日

個女仔見有人偷影自己，都喺自己twitter講返，話本身諗住啲火柴賣10日圓一支，點知等咗好耐都冇人理。後來半價出售，先至有6個人貪得意嚟買咋！

ツイート見た人たちが6人くらい買いに来て11本も売れた…。すごい。マッチ売りの少女の時代にもTwitterがあればと悔やまれてならない。 pic.twitter.com/LaRqdfESiM

— 朝井麻由美@『「ぼっち」の歩き方』 (@moyomoyomoyo) 2016年8月28日

不過聽講個女仔最後都將賺到嘅錢捐晒出去，今次變身做賣火柴的小女孩其實只係一個社會實驗咁樣樣，唔係為搵錢喎！老老竇竇，其實毛毛對個女仔……啲火柴都幾有興趣，唔知遲啲去日本可唔可以撞返佢，同佢劃下火柴咁呢～～

圖片來源、資料來源：moyomoyomoyo／twitter