作為一條勤力嘅毛毛，喺會嘥太多時間喺食lun廚呢件事上面㗎！出去食飯又要行咁遠又要等位，不如喺office淥個杯麵咪算囉。（其實係唔敢問同事畀唔畀我埋堆…）

講開杯麵，最近有個台灣網民些牙咗個2016年最偉大發現！就係木筷子嘅隱藏用途呀！原來將木筷子啪啪啪…I mean細細力咁就住，淨係啪開一半，就可以用嚟夾住個杯麵口喇～

嗚呀，毛毛大大話食咗十幾年杯麵，而家先知道原來杯麵同木筷子真係絕配！你叫一直亂咁隨手拎起啲乜就用嚟壓住個杯麵蓋嘅毛毛情何以堪呀……

話口都未完，毛毛就走咗去隔籬位諗住偷對木筷子用嚟食麵喇。點知一啪…成個麵都係墨水…有冇人可以話畀毛毛知發生咩事呀？

封面圖片、資料來源連結： Shaopeng Wang

延伸閱讀：【蠱惑的筷子】有咗呢個design咪唔怕同事借筆唔還囉！