當毛毛仲係一隻毛都未生齊嘅小學雞嘅時候，去親博物館參觀都會打晒喊露……明明科學館同太空館先係最新奇刺激又好玩，但唔知點解老師就成日帶我哋去睇咩出土文物，全部都泥黃色又爛溶溶，真係好悶囉阿Sir……

唉，如果當年去睇展覽有呢啲咁有喜感嘅文物睇，毛毛實對歷史嘅興趣大增，話唔定而家做埋考古學家啦！四川一間博物館個微博admin話佢經過文物修復室，見到一個身中劇毒的馬頭呀。睇過？又真係幾毒下喎！

隻馬瞪大對眼，豎起耳仔，仲要脷都伸埋，仲唔係卡通片入面啲主角見到靚女行過嘅反應嚟？！喂，話晒都係件出土文物，唔該你拎返少少應有嘅嚴肅感出嚟得唔得？

毛毛突然喺呢個咁有喜感嘅馬頭度得到預知能力，諗到聽日強國報紙頭條會賣咩喇，肯肯定係「美帝動畫抄襲古代文物馬頭可恥」。

封面圖片、資料來源連結： 四川廣漢三星堆博物館／ 微博