9月喇，打工仔表示最開心就係可以見到班學生哥朝氣勃勃咁每朝早趕返學呀～不過對班學生嚟講，開學簡直就好似災難片咁，辛辛苦苦抄完暑期作業老師又唔睇，度高磅重又發現自己肥咗又矮咗，仲有原來女神同隔籬班個壞學生一齊咗…… 

如果加埋呢件事一齊發生喺你身上，應該要請夠11個月事假彌補心靈創傷先得喇。話說強國有個學生晾咗條底底喺宿舍露台，跟住就開開心心放暑假，點知過咗一個月，條底底竟然生咗個大蜂巢出嚟！唔知呢位同學係咪平時食太多…或者睇太多甜嘢呢？今次真係home sweet home喇班小蜜蜂。

毛毛諗起之前都有個大頭蝦嘅日本網民留咗啲飯喺電飯煲入面兩個月，經過時間嘅洗禮，煲飯重生成為有生命力嘅一煲霉喇！

佢鼓起勇氣剷起埋不明物體之後，仲要睇到啲飯結埋一餅成個蜂巢咁……嗯，毛毛呢個月都係唔想飲蜜糖住喇，唔該。

封面圖片、資料來源連結： 曝猛／微博