自古以嚟，毒L是最寂寞，一直陪住喺毒L身邊嘅，就只有左青龍，右滑鼠。成個packtage嚟講，青龍就點都係青龍㗎喇，又冇得進化（零實戰機會），又冇得砍掉重練，但滑鼠就唔同喇，你可以為佢配置唔同嘅法寶，等佢戰鬥力UP，就好似胸部滑鼠墊咁。

胸部滑鼠墊有咩咁吸引就唔使多講啦，廢事兒童不宜呀。最近日本就有網民抱住科學探知精神，進行解剖手術，睇下胸部滑鼠墊入面到底收埋啲咩。嗚呀，毛毛都既緊張又興奮呀！Let’s start！

話咁快已經解剖咗一邊喇，係滿滿嘅一大嚿矽膠呀！

少年，你以為身材好嘅女仔都係天生麗質嗎？其實除咗點點之外，其他都係造出嚟㗎！是假的！

呢嚿唔止係膠，仲係一嚿硬膠。唔怪得平時摸落去咁堅挺啦。

好彩有戴手套進行解剖咋，嚿硬膠仲要好黐笠笠，唔係咁易甩身㗎。估唔到原來毛毛一直以嚟嘅好同伴都係假嘢嚟，睇嚟世界上除咗肥仔波之外，冇嘢係真…… 

封面圖片、資料來源連結：2ch中文網