古乳有暈，其實毒L一個更開心，洗L你講～毛毛做咗毒L咁多年，其實都已經看透世事㗎喇，你一日係兵，一世都係兵！但係好多人仍然唔明白呢個道理，好似呢個強國男人咁，竟然話要同女神表白喎！

表白都算喇，你畀啲誠意吖！竟然拎999個柚砌個心型出嚟，話女神鍾意食柚，所以希望咁樣樣可以打動到佢喎！唉少年你真係太天真了，女仔最怕就係肥，你畀百9幾個柚佢，真係想食死人咩！咁鍾意食吖嘛，話咁快女神就請返佢食檸檬喇……嗚嗚！

唔單止咁呀，女神仲話唔要嗰百9幾個柚，叫旁邊啲花生友拎走晒佢哋喎……就係咁，個兵仔就好陰公咁望住啲柚畀班大媽搶走晒喇！

嗱唔好話毛毛唔教精你，下次唔送柚，改送樓！唔止女神呀，連側邊啲大媽呀、男人呀都肯肯定會狗衝去你度啫！

圖片來源、資料來源：財經網