你咪見喺雙子塔入面可以back after lunch，就好似好他條咁，其實日日都要對住個黑面神做嘢，公司廁所又長期只得一格廁紙……你都咪話唔大壓力呀！好彩最近就畀毛毛發現咗呢個日本新推出嘅減壓神器啫！

咦喂，呢嚿嘢個外型咁熟悉嘅！硬係好似唔知喺邊度見過咁……Any肥啦，呢個粉紅色袋袋設計都幾實用㗎，上面有個吸盤，方便你將佢黐落枱底，等腦細行過嗰陣都唔會發現到吖嘛！

黐完之後點做？唔使毛毛教喇嘛？話明畀你減壓，就梗係大大咁揸落去，將你嘅怒氣發泄晒出嚟啦！鍊嘅時候仲可以自行腦補仇人個樣再一嘢揸落去，你都咪話唔爽呀！

不過聽講而家呢個減壓神器仲係限定發售，話遲啲睇下個反應先再決定會唔會推出更多喎！既然係咁，毛毛惟有玩住自己個龍球先啦。咩呀你諗咗去邊，毛毛係指玩搖搖減壓咋！

圖片來源、資料來源：livedoor