2016年09月06日 星期二
【吉卜力動畫總選結果】《千與千尋》會喺日本再上畫呀！
相信無論你係80後定90後，都係由吉卜力動畫湊大嘅小朋友。細個學過彈琴嘅，九成都彈過《天空之城》；係女仔都想瞓喺龍貓個大肚腩上面；或者幻想自己喺街邊遇到隻識講嘢嘅貓……
吉卜力動畫真係陪住我哋成長㗎，之前日本搞咗個活動畀大家喺21套動畫入面，投票選出最鍾意嘅作品，最多票數嘅就會喺日本再上畫。咁多套都咁經典，真係唔知點揀好呀。
燈燈燈凳！結果終於出嚟喇！係《千與千尋》呀！叫得做經典，咩時候睇返都覺得又有親切感又有大道理嘅。
嚟緊9月中，《千與千尋》就會喺日本唔同地方嘅戲院再次上畫，會去遊行嘅fan屎要留意喇～Between，唔經唔覺，原來呢套戲已經係15年前上畫㗎喇，真係唔認老都唔得喇……
封面圖片、資料來源連結：red-turtle.jp
