《新世紀福音戰士》呢套神作，毛毛細細個就聽過啦！入面無論係世界觀、人物設定等等都係世界級！毛毛相信喺好多麻甩佬嘅心目中，明日香同凌波麗都係佢哋嘅女神……但估唔到喺現實世界中，竟然有毒L同佢嘅堅﹒女神搞咗個Eva婚禮呀！

呢個台灣宅男同佢女朋友都係Eva粉絲，佢哋雖然宅，但係宅得非常之有心思㗎！連簡單一張請帖都要用咗Eva入面常見嘅字同format，順帶一提，佢哋連個婚禮logo都係參考咗Eva入面嘅特務機關Nerv㗎！

請帖入面隱藏咗呢個網民鍾意嘅動畫嘅名，只要你放啱張解密卡嘅位置，就可以成功解謎，知道個婚禮嘅舉行日期時間同地點㗎喇！

之後每人仲會有一張類似nerv成員證嘅卡，婚禮嗰日拎住佢仲可以玩小遊戲?！

至於婚禮個佈置亦都充滿住Eva嘅元素，Nerv logo同初號機嘜頭呢啲當然就唔少得啦！

不過講到最令毛毛葡萄嘅，係呢個網民個老婆cos住明日香出場呀……

要搵到女朋友做自己老婆，難；要搵到一個同你志同道合嘅女朋友做老婆，就更加係難上加難！呢個網民真係人生贏家，冇得輸呀！要好好咁愛錫你老婆呀知唔知！

圖片來源、資料來源：xmas0083／PTT