香港啲學生雖然又要應付TSA，又要補習，仲有n咁多樣嘅課後活動，啲功課仲要難到唔講以為寫緊大學論文咁：

但係毛毛知道，好多學生哥笨唔係淨係識得死讀書，讀死書㗎！

有網民就喺寶琳見到充滿人情味嘅呢一幕！呢班同學仔唔係掛住去些粉買嘢，亦都唔係喺度玩，而係幫緊一個婆婆，執返啲跌晒落地嘅紙皮上車仔咋！個網友仲話，班學生完全冇理過其他人嘅目光，覺得幫得就幫咁話喎！

見到佢哋咁齊心，毛毛又諗返起以前讀書嗰段好pure好true嘅時光喇！希望佢哋之後可以keep住呢份純真啦！Between，成日都聽到班怪獸家長話要個小朋友贏在起跑線前，計毛毛話，一個人冇品呀，任你點贏都冇用！呢啲嘢，唔係靠考試同補習就學到返嚟㗎～

圖片來源、資料來源：Joan Fong／將軍澳

回帶：【贏在起跑線】小五就要拍廣告片交功課