雖然睇卡通片有聲有畫生動好多，不過睇漫畫嘅趣味，得漫畫fan屎先會明㗎咋。有啲高手仲會自己畫一次佢鍾意嘅作品，甚至整識得郁嘅動漫畫出嚟！

最近有個日本網民就用公文袋DIY咗個叮噹動漫畫出嚟喇！佢喺公文袋上面cut咗幾個方框出嚟當係漫畫框，入面再放晒啲有手抽嘅畫，一層一層咁慢慢拉出嚟，就可以睇到大雄由畀胖虎蝦，到靠自己打返胖虎嘅故事喇。

ちょっと実験的に..

封筒でドラえもんの漫画作ってみました。 pic.twitter.com/sNVClgzqPb

— しんらしんげ (@shin___geki) September 4, 2016

雖然睇唔明日文，但都一樣睇到好滾動……至於最後係點，毛毛就唔劇透喇，自己睇啦。

紙コップ３つでドラえもんの漫画作ってみました。#ドラえもん #紙コップ pic.twitter.com/4EHKa1AEbm

— しんらしんげ (@shin___geki) January 16, 2016

之前呢位神人都試過用3個紙杯神還原叮噹場景出嚟，最勁係連佢哋穿梭時光機個畫面都整到出嚟呀！嗚嗚，點解人哋又係睇叮噹大，毛毛又係睇叮噹大，佢就好似出木杉咁叻，毛毛就仲廢過大雄…… 

封面圖片、資料來源連結：shin___geki／twitter