買親新衫返嚟，阿媽實叫你唔好心急，儲夠一機深色衫一機淺色衫先好洗，不過買得新衫，梗係想快啲洗完快啲有得著出街威㗎啦，唔想等～寂寞到夜深嘅，咪唯有自己手洗囉。

台灣有個網民就買咗條made in鄰國嘅牛仔褲，大家都知牛仔褲新買返嚟幾大陣味，唔洗唔得㗎啦，點知佢一浸落盆水度，即刻染到成盆水都黑晒呀！

可能有人心諗：唓～牛仔褲甩色是常識吧？說話又唔係咁講呀，甩到咁誇張你又見過未先…… 好彩冇一嘢扔入洗衣機洗咋，唔係就GG喇，準備以後都做黑衣人啦！

之後個男仔拎咗條褲去舖頭退錢，好彩老闆態度都好好，仲話其他買到呢款甩色褲嘅客人可以無條件退錢兼送禮物補償呀。

話唔定呢條強國製牛仔褲其實係聞西最新發明呢，佢表面上係牛仔褲，實際上係練毛筆字嘅好幫手！

封面圖片、資料來源連結：劉廷緯、中天新聞