仲記得細個讀書嗰陣，最鍾意就係畫黑板！不過毛毛畫極都係火柴人level囉……邊似得呢個台灣學生咁，居然用條濕布就畫到自由女神出嚟吖！

佢話因為讀書壓力好大，嗰陣時又咁啱係學校嘅打掃時間佢要負責抹黑板，於是就拎住塊布喺黑板上面畫呀畫，發泄下咁囉！大壓力都可以畫得咁神似，如果冇壓力嗰陣咪連蒙娜麗莎都畫到出嚟？

其他網友見到呢幅神作都紛紛開心些牙自己嘅黑板畫，張張都靚到喊！所以話高手在民間真係冇錯呀！

睇完啲畫之後，毛毛學到一個大道理，就係如果你畫畫叻嘅話，就算要你喺黑板上面度畫都一樣咁靚；但如果畫畫冇天份嘅話，你喺邊度畫都只係一pat屎……你話喇，呢個世界公平咩，嗚嗚！

圖片來源、資料來源：Dcard