想當年，毛毛讀書嗰陣成日都形住課室天花板上面嗰幾把吊扇會跌落嚟。雖然嗰幾把吊扇直到毛毛畢業都仲係完整無缺，但坐正喺把吊扇下面都係會有啲心驚驚㗎嘛！而最近，有台灣網民就真係捕捉到課室把吊扇跌落嚟嘅一刻喎……各位觀眾，係巨型血滴子呀！

嘩，又會毛啦啦跌落嚟咁恐怖嘅？好彩呢個巨型血滴子唔會好似《整蠱專家》個忌廉血滴子咁噴忌廉，如果唔係後果就不堪設想喇！

btw，雖然把吊扇真係無啦啦砰一聲跌咗落嚟，但樂觀啲咁睇，而家咪終於有機會抹到吊扇上面嘅灰塵囉！以毛毛9估，其實邊係把吊扇唔夠實淨吖～唔通人哋校工想清潔又要話你哋知咩？

資料來源：詹凱仲／爆料公社