噚晚凌晨蘋果終於公佈Iphone 7個樣，靚唔靚就見人見智啦，反正都一樣大把人當佢神機咁拜，狗衝去買！不過如果講到神嘅話，3310認第一，肯肯定冇人敢認第二呀！

佢點神法？毛毛唔直接答你，用例子答你。最近外國就有個youtuber整咗個Ipad mini vs 3310嘅大對決，睇下邊部機頂得住火槍嘅考驗咁話喎！

佢哋兩部機都要輪流畀支巨型火槍燒，之後再擺喺地下度等佢哋燒一陣間。

但話咁快，部Ipad mini已經頂唔緊，唔單止個mon都黑埋，仲連個內膽都漲大埋，喂因住爆炸，睇L住呀！

至於3310呢，雖然個殼都燒到溶溶爛爛咁，但估唔到佢仲收到電話，仲識響?呀……

喂大佬呀你唔好咁黐線啦，生命力頑強到咁，仲邊夠你玩呀！

圖片來源、資料來源：UnlockRiver.com／youtube