細細個睇《龍貓》都會覺得入面嘅世界好靚，平靜嘅小村莊，一大片綠油油嘅草地，真係好似童話故事咁樣樣！可能美國呢個動畫師Alan Becker都同毛毛一樣諗法啦，事關佢竟然用遊戲Minecraft神還原咗龍貓世界出嚟呀！

介紹返先，Minecraft其實係一個可以畀你自由咁創造自己世界嘅遊戲。你可以將一嚿又一嚿嘅立方體砌做唔同嘅嘢，亦都可以瘋狂咁破壞佢。而呢個美國動畫師就選擇咗要整Minecraft版嘅龍貓世界喇！

你唔好以為Minecraft全部都係立方體就好難砌呀，對於呢個美國動畫師嚟講，其實唔難！無論係龍貓瞓緊覺嗰陣，定係陪住草子同次子淋雨嘅名場面，佢都一一做到出嚟！當然唔少得貓巴士啦！

估唔到貓巴士變咗做一格格都仲咁得意喎！Btw，除咗動畫師Alan Becker之外，呢個Minecraft版嘅龍貓世界其實仲有好多網友一齊幫手整㗎！佢仲將今次整龍貓世界嘅合成包放咗上網，有興趣嘅可以撳下面條link玩下喎！唔講住喇，毛毛都去下載先，係咁！

圖片來源、資料來源：AlanBeckerMinecraft／youtube

合成包download link：spiritedawayminecraft