邊個話睇日本啲愛情動作片冇益呀！呢個台灣網民就係靠住日本絕學「神之手」救返自己一命咋！

話說佢有日自己一個喺屋企，去完個廁所返到嚟就發現道房門唔小心鎖住咗，入唔返去！最慘係，佢銀包、手機、全部嘢都喺晒間房入面……就係咁，佢就被迫強行要玩呢個真實版嘅密室逃脫遊戲喇！

點先可以開返個鎖呢？佢試過用衣架撩，亦都試過拎工具鑿開個把手。點知個把手爛咗就係爛咗喇，但係個鎖就仲未開得返囉！

喺呢個毛文，呢個網民嘅神之手，要爆喇！佢用咗佢畢生嘅絕學，伸隻手指入去個窿度諗住可以掂到個鎖再扭開佢呀！係喇喺呢度喇，再上啲，再上啲吖！

可惜佢整到條嘢……I mean佢啲手指呀下，整到又紅又腫咁都未開到。唔緊要，失敗係成功阿媽！喺個把手度黐啲海棉膠上去，再使出一招神之手係咁撩，咪搞掂食碗麵囉！唔講住喇，毛毛都要去苦練神之手先，話唔定第時房門鎖住咗就係靠佢救命㗎喇！

圖片來源、資料來源：berrychiu／ptt