唔知點解，貓星人特別鍾意寵幸地球嘅紙箱，一見到就要跳入去，無論係大個定細個嘅紙箱，全部都有殺錯冇放過！

最近日本就有個主子，見奴才新買咗個紙箱返嚟，仲有埋包裝紙喺上面好似好靚靚咁，就諗住嗱嗱聲霸咗佢先啦！

點L知主子入到去先發現，原來呢個箱易入難出，唔單止個身困住咗郁唔到，仲連啲爪都出唔到呀！估唔到貓星人一世英明，就咁就衰喺個紙箱度喇……人嚟！！護駕呀！呢個紙箱想殺朕呀！

不過呢個奴才都好唔識do囉，見到主子搞成咁嘅衰樣都仲掛住影相！毛毛9估，呢個奴才最後嘅命運都應該係凶多吉少㗎喇……

圖片來源、資料來源：soramoon22／twitter

首だけ出してご満悦だったのに手が出せないから取れない事に気がついて絶望してるw pic.twitter.com/z132JiTjWi

— そら@ネコ垢 (@soramoon22) 2016年9月7日