2016年09月09日 星期五
【班房小畫家】畫到本書咁樣樣你都好有心機啫！
最佳課堂活動嚟講，都不外乎釣下魚、發下白日夢、畫下公仔、傳下紙仔呀咁，雖然呢啲衰嘢每個學生都試過做，但做到好似呢位台灣網民咁出色嘅都真係世間少有！而家就等毛毛同大家一齊睇下～
話說，最近有位台灣網民同大家開心些牙自己以前讀書時候嘅上堂畫公仔作品，呢幅「龍騎士」就係佢最滿意嘅作品嘞～睇下，瓦歷斯．諾幹同條龍幾襯，真係一啲違和感都冇！
呢位網民話喎，上堂咁無聊，咪諗住搵個可以畀佢隨手畫畫嘅地方，點知一個唔小心就將作者啲樣畫到咁樣樣……不過都因為本書有太多佢嘅優秀作品嘅關係，所以佢本書keep到今時今日都仲未抌呀！
老老77，一打返開本書就見到自己啲作品……係開心嘅！不過，一諗起自己已經再冇上堂畫公仔嘅機會就……唉，都係不要再說了！
資料來源：dcard
回帶又回帶：【天才小畫家】中文書啲古人 被人畫到咁樣樣？
