薯條呢家嘢，識食一定係趁熱食，不過你知啦，唔少人都係眼闊肚窄嘅，一個餐又有漢堡包又有汽水，一陣口痕又加埋雞翼同雪糕，包薯條真係好易食唔落㗎！本身食淨薯條就好大內疚感嘅，凍咗邊好食㗎，咪唯有忍痛扔晒佢囉……不過直到有咗微波爐呢個偉大發明，一切都唔同喇！

話說台灣有個網民見食淨咗啲薯條，就諗住整個創意新菜式，等個feel冇咁頹啦。首先淋啲cream上去，再灑幾粒胡椒，放入微波爐叮5分鐘…… 好快就聞到陣陣薯條香飄出嚟喇～叮夠5分鐘，一碗黑炭就完成喇！

唉點解想食條薯條都咁多考驗㗎？之前都有個網民開開心心咁諗住佢嘅外賣薯條嗰陣，唔小心成袋倒晒落隻鞋度呀……嗱，老竇講喇，你寧願食黑炭味薯條，定鹹魚味薯條先？

封面圖片、資料來源連結：kiro1216／PTT、王寧寧

睇埋：【隱藏版口味】好彩有隻鞋幫我接住包薯條啫！