呢排落街行個圈，都聽到10個8個人講斷片酒，話既期待又怕受傷害。各位酒量唔好就真係要諗清諗楚先試喇，一陣飲大咗出醜，仲要畀fd子影低晒嘅話，實畀人笑到你80歲呀！

就好似呢3個麻甩佬咁呀，飲大兩杯雖然冇吳幸美上身又笑又喊就似三國時混亂，不過都唔好得去邊，一齊打大赤肋瞓喺雜物堆入面，仲要畀fd子post上網，真係慘慘豬呀。

但係唔知點解，呢個咁凌亂嘅畫面，竟然有一種唯美嘅感覺，望住呢3個畀酒精佔據嘅肉體，唔知點解覺得內心好平靜…好舒服… 冇錯喇，就係欣賞緊中古世紀西方宗教畫作嘅感覺。

仲有其他網民都將張相執做唔同style，全部都相當有藝術感，完全表達到現代人內心空虛，希望憑借酒精逃避現實，用朋友半裸嘅肉體慰藉心靈嘅思想。

點解人哋斷片都咁唯美，毛毛做醉貓就只會係咁樣樣…… 

このゴミ屋敷に半裸の男が3人酔いつぶれて眠ってる写真、ある種の宗教画のような厳かな雰囲気すら感じられて芸術点かなり高い。 pic.twitter.com/lRDVPfK7UV

— やんちゃん (@Ryu_chan_dayo) September 11, 2016

封面圖片、資料來源連結： Ryu_chan_dayo／twitter、mino_ris／twitter