話時話，唔知各位妹豬sss有冇睇過台劇《我可能不會愛你》呢？李大仁間房幅牆度貼咗世界地圖同埋n張明信片做裝飾，真係好正呀！

而有位台灣男網民都表示好鍾意呢個style，好想將間房整到好似李大仁間房咁樣樣，咁就隨口同女朋友講咗句「欸！我也好想買個世界地圖壁貼！」啦，點知……點知佢女朋友真係整咗幅地圖送畀佢，仲要係有燈泡仔、識發光嘅?！一齊睇下～

雖然佢女朋友送畀佢嘅只係台灣地圖，而唔係世界地圖，但呢幅愛心自製地圖除咗識發光之外，佢女朋友仲將佢哋一齊去過嘅地方用圖釘mark低，放晒佢哋嘅sweet sweet合照喺側邊㗎～

呢位網民仲話，估唔到女朋友會將佢隨口9up嘅一句說話放喺心，仲幫佢實現出嚟，呢份心意真係無價！

嗱，你知道女朋友嘅心意係無價，你就要好好對人喇知冇？嗚……

資料來源：dcard