而家香港有唔少攝影發燒友都鍾意去廢墟影相，貪廢墟又特別又有feel，仲要人人都唔識去得佢識去呢下型呀嘛。日本呢個攝影師YUKISON都唔例外，最近去咗個無人之境影相，不過佢就唔係專程去，而係意外發現呢個地方嘅。

嘩呢度咁多佛像嘅喂…… 邊個擺喺度㗎？

唔止佛像呀，連現代人打扮嘅石像都有一大堆，迫真到令人有啲心寒…… 唔好講咁多喇，趁天黑前影多幾張相嗱嗱聲走啦好嗎，如果唔係毛毛驚呢度會多一個拎住相機嘅石像呀……

原來呢個咁詭異嘅無人之境，係富山縣大沢野町嘅「ふれあい石像の里」，1989年嘅時候用咗6億円創建，有成1200個謎之石像，不過最後就好似大家睇到嘅咁，並冇成功發展做旅遊點，至於原因就……唔好諗咁多啦都係。

最右上嗰個石像…… 估唔到石像界都流行「毒L一個更開心」嘅風氣呀下。

呢度每個石像都超迫真，加埋空洞嘅眼神，真係嚇到寒已心。夠膽嘅話可以試下同佢哋自拍，睇下佢哋會唔會望鏡頭呀…… 

不過毛毛最like嘅都係呢個咁有生命力嘅大叔像，見佢咁有親切感，好似冇咁驚喇。

畀千幾個眼神死嘅石像望住個感覺真係好恐怖，所以話藝術嘅嘢，日本仔真係識條spring咩，跟強國蠟像館學下嘢先好出嚟行啦！

五百羅漢は特別珍しいものでもないのですが、ここの何がヤバイって、スーツ姿のおじさん＆おばさんの石像も何百体と並んでいるところ。夜に行ったら帰ってこれる気がしない。 pic.twitter.com/ztgnK48NP2

— YUKISON / Ken Ohki (@YUKISONS) September 7, 2016

封面圖片、資料來源連結： YUKISONS／twitter、another-tokyo