作為一隻論盡豬，成日唔小心倒瀉水都係好正常嘅。不過一地都係水，唔好以為輕輕講句「唉濕L晒，唉唔L驚」就可以用霸氣戰勝一切呀，做個負責任嘅男人，整濕咗，就自己整返乾佢。

除咗整濕電器，最慘嘅應該就係整濕本簿喇，因為就算用風筒吹返乾，都一樣會變到皺晒皮。有個日本繪本作家就同大家開心些牙一個急救大法，用一張紙、幾本書就可以救返本簿喇！

做法好簡單，只要將一張吸水力特強嘅白紙攝入本濕咗嘅簿入面，再用書壓佢一段時間，本簿就會乾返又平返，仲點郁都唔怕漏！

其實紙張可以吸濕唔係新奇事，而家好興嘅押花都係用乾燥紙整㗎～

仲有呀，呢排日日都落雨，對鞋有排都唔乾，將啲紙揸埋一嚿塞入對鞋度就可以好快整返乾㗎喇！係咪好實用先，係咪覺得毛毛成個生活智慧王咁先，係咪突然好想倒瀉水試下work唔work呢！

☔️本が濡れてしまったら実写版 pic.twitter.com/9Ys79ICrqG

— のはな はるか * 絵本作家 (@nohana_haluka) September 13, 2016

封面圖片、資料來源連結： nohana_haluka／twitter、pinkoi